تذکرہ بابا تاج الدین اولیاء

ارشادات  ...  واقعات  ... تعلیمات  اور  طرز فکر   بابا اللّٰه اللّٰه کرنا    ایک حافظ صاحب پابند شریعت سرکار بابا تاج الدین اولیاءؒ کی خدمت میں ایک مقدمہ کی فتحیابی کے سلسلے میں حاضر ہوئے - سرکار نے  ان کی طرف دیکھا  ،  اس کے بعد زمین پر کچھ لکھا اور فرمایا  ... تمہارا کام ہوگیا ،  تم جاؤ -  یہ حضرت کچھ وقت اور آپ کے پاس ٹھہر کر  فیض حاصل کرنا چاہتے تھے  ،  چند دن کے لئے رک گئے -  ایک روز سرکار تاج الاولیاء جنگل میں چل رہے تھے  ... یہ بھی ہمراہ تھے  ،  بابا صاحب جنگل کی ایک کٹیا میں اندر چلے گئے - اس میں ایک  مائی صاحبہ تھیں - حافظ صاحب کے دل میں خیال   پیدا ہوا  ... کٹیا میں تنہا عورت ہے  ،  بابا صاحب کو تنہائی میں نہیں جانا چاہئیے -  سرکار واپس لوٹے اور حافظ صاحب کی طرف اشارہ کرکے فرمایا  ... اس کو نکالو یہ فسادی آدمی ہے  ،  اس کو بھگاؤ - یہ فرما کر  پھر جنگل کی  طرف چل دیئے -  حافظ صاحب بہت  پشیمان ہوئے اور معاف...

ارشادات  ...  واقعات  ... تعلیمات  اور  طرز فکر   رشوت کی کمائی    ناگپور کوتوالی کے منشی  ،  عبدالرحمٰن صاحب کو ایک روز رشوت میں کافی رقم ملی - اس خوشی میں وہ  کچھ مٹھائی لے کر سرکار بابا صاحبؒ  کی خدمت میں حاضر ہوئے اور وہ مٹھائی سرکار تاج الاولیاء کے سامنے رکھی - لیکن بابا صاحب نے اسے ہاتھ نہیں لگایا - منشی جی ادب  سے کھڑے رہے اور دل میں کہتے رہے کہ سرکار قبول کرلیں - لیکن بابا صاحب نے ان کی طرف دیکھنا بھی گوارا نہ کیا -  اس دوران ایک شخص نے آپ کی خدمت میں جوار کی روٹی پیش کی جو وہ خصوصی طور پر اپنے گھر سے سرکار کے لئے پکوا کر لایا تھا -  سرکار تاج الاولیاء نے اسے اپنے قریب بلا کر فرمایا  ..." یہ رزق حلال ہے اسے ہم کھائیں گے "- بابا تاج الدین نے ایک ٹکڑا توڑ کر نوش  کیا   اور منشی جی سے مخاطب ہوکر  فرمایا  ... "رشوت کی کمائی سے دین و دنیا دونوں خراب ہوتے ہیں جی " -