تذکرہ بابا تاج الدین اولیاء

ارشادات  ...  واقعات  ... تعلیمات  اور  طرز فکر آخری ملاقات    سرکار تاج الاولیاءؒ کے  شکردرہ میں قیام کے دوران  آپ کے سگے چچا زاد بھائی سید یوسف شاہ صاحب  .... بابا صاحب سے ملاقات کے  لئے اپنے گھر والوں کے ساتھ تشریف لائے - جوں ہی یہ سکندر آباد سے چلے  ،  ادھر بابا صاحب نے کہنا شروع کیا  ... آرہا ہے  ،  ادھر  سے آرہا ہے  ،  بہت دنوں کے بعد آرہا ہے   ،  املی کا جھاڑ  ہے وہاں سے آرہا ہے  (  بابا صاحب کے چچا جان سید عباس صاحب کے  مکان  ... گھاس منڈی ،  سکندر آباد  ، میں املی کا درخت تھا ) -  جب یوسف شاہ صاحب شکردرہ پہنچے تو سرکار تاج الاولیاء بے حد جلال میں تھے - خادموں نے عرض کیا  ،  یہ وقت ملاقات کے لئے  مناسب نہیں ہے - سید یوسف صاحب اور ان کے اہل خانہ کے لئے راجہ رگھو جی راؤ نے رہائش کا انتظام کر رکھا تھا - آپ لوگ  وہاں  چلے گئے -  سید صاحب سے  زیادہ دیر انتظار نہ ہوسکا  ،  وہ   بابا ...