شان تاج الاولیاءؒ - - 1

شان تاج الاولیاءؓ  

دربار سرکار دو عالم صلی اللّٰه علیہ وآ لهٖ وسلّم  :

   

  سرکار تاج الاولیاء حضرت بابا سید محمد تاج الدین ناگپوریؒ کو روزانہ دربار رسالت مآب صلی اللّٰه علیہ وآ لهٖ وسلّم میں حاضر ہونے کی

 سعادت حاصل تھی - ایک روز بابا صاحب  کے چچا زاد بھائی سید یوسف صاحب آپ کے کمرے کے سامنے آپ سے مصروف گفتگو 

تھے کہ سرکار تاج الاولیاء نے ارشاد فرمایا  ... " بڑے بھائی  ! تم بیٹھو ،  ہم ابھی آتے ہیں " -

 جس کمرہ میں آپ تشریف لے گئے تھے اس میں ایک ہی دروازہ تھا - جب بابا صاحب کو گئے ہوئے کافی دیر ہوگئی تو یوسف صاحب نے

 کمرے میں جھانک کر دیکھا  ... بابا صاحب کمرہ میں موجود نہیں تھے - کچھ دیر بعد سرکار اسی  کمرہ سے برآمد ہوئے - یوسف صاحب نے

 دریافت کیا  ... بابا آپ کہاں تشریف لے گئے تھے  ،  میں نے کمرہ میں دیکھا  ،  آپ موجود نہ تھے - ارشاد ہوا  ... "  ہو  بڑے بھائی !  روز

 حاضری دیتا ہوں  ،  بڑے نانؐا سواری بھیجتے ہیں " - آپ بڑے نانؐا ہمیشہ حضور سرور کائنات سرکار دو عالم صلی اللّٰہ  علیہ وآ لهٖ وسلّم کے لئے

 فرمایا کرتے تھے - 

دربار السیدة  فاطمة  الزھراءؑ  : 

                                                                                                ایک مرتبہ شکردرہ  میں فرقہ ملامتیہ کے ایک  فقیر  تشریف لائے  ... ان کے  لباس اور حالت  سے خستہ

 حالی ظاہر ہورہی تھی - 

 ان فقیر صاحب نے   قاضی امین الدین صاحب  سے دریافت کیا  ...     کیوں   جی    یہاں   بی بی  فاطمہ  زھراءؑ   کا دربار ہے  ؟  

انہوں نے جواب دیا  ... نہیں !   یہاں تو باباتاج الدینؒ رہتے ہیں -

 یہ باتیں وہ کر ہی رہے تھے کہ بابا صاحب تشریف لائے  ... جوں ہی فقیر صاحب نے سرکار تاج الاولیاء کو  دیکھا  ... وہ پلٹے اور

 قاضی صاحب کے دیکھتے دیکھتے غائب ہوگئے - 

تاج محی الدین  :

                                                              بابا یوسف شاہ تاجی صاحب  ... سرکار تاج الاولیاء کے ارشاد ... "   میرا نام تاج محی الدین ہے   ..."  کی

 وضاحت کرتے ہوئے ارشاد فرماتے ہیں  ...  شاہ ولی اللّٰه محدث دہلوی نے  " ہمعات "  میں لکھا ہے کہ ہر دور میں ایک بزرگ اس امت

 میں ایسا ظاہر ہوتا ہے جو دین کو زندہ کرتا ہے - اس کی علامت یہ ہے کہ وہ اس عالم میں ہر قسم کا تصرف کرنے پر قادر ہوتا ہے -

 مردہ کو زندہ کرنا  ،  غیب کی اطلا ع دینا   ،  مریضوں کو اچھا  کرنا   ،  نامرادوں کو مرادیں دینا اور ہر قسم کی کرامات ان سے بے شمار سرزد ہوتی

 ہیں - جب اس قسم کے بزرگ کا ظہور ہوجاتا ہے تو یہی قطب مدار عالم ہوتا ہے - اس سے پہلے کے  اقطاب کی دعوتیں منسوخ ہوجاتی ہیں

 اور وہ تمام سلاسل جو پہلے سے چلے آتے ہیں  ،  مردہ ہوجاتے ہیں اور یہ بزرگ جس سلسلہ کو چاہے پھر سے زندہ کرتا ہے -

 تمام سلاسل اس کی روحانیت سے فیض یاب ہوتے ہیں - یہ  ہر سلسلہ کا محی الدین ہوتا ہے اور جب تک کہ اسی شان کا دوسرا

 بزرگ ظاہر نہ ہو اس کی حکومت تمام عالم میں جاری و ساری رہتی ہے -

 اسی طرح شیخ اکبر حضرت ابن عربیؒ نے فتوحات مکیہ  میں   بیان فرمایا ہے کہ ...  جب قطب مدار عالم کا ظہور ہوتا ہے تو سابقہ اقطاب کی

 حکومت  ،  دعوت  اور تاثیر منسوخ ہوجاتی ہے -  جاننے والے یہ بات جانتے ہیں کہ شہنشاہ ہفت اقلیم بابا تاج الدین اولیاء کی شان کا

 بزرگ اس وقت تک ظاہر نہیں ہوا  ... آئندہ کا علم اللّٰه کو  ہے - اگر آئندہ بھی اس شان کا بزرگ ظاہر نہ ہو تو کوئی شبہ نہیں کہ بابا صاحب

 ہی خاتم الاولیاء ہیں - 

خاتم الاولیاء کے یہ معنی ہیں کہ اب کوئی شخص مرتبۂ ولایت پر اس وقت تک فائز  نہیں ہوسکتا جب تک کہ وہ خاتم الاولیاء کی نسبت

 حاصل نہ کرے اور خاتم الاولیاء کی روحانیت اس کی مدد نہ فرمائے - 

جہان کثرت و دنیاۓ اضداد                          تجلیات   آسمانی   سے    آباد 

                      تجلی کیا ظہور اسم رب ہے                      مسبب آپ ہی اپنا سبب ہے 

       قدم جب راہ حق میں ڈگمگائے                       اعانت   کو  معین الدین    آئے 

اعانت  کا ظہور اس رنگ میں ہے                           تجلی طور کی ہر سنگ میں ہے 

     محی    الدین     کو      دلبر       بنایا                                حیات    دین    کا   مظہر      بنایا 

     بزرگ نقشبندی و سہروردی                                    خدا کی فوج نے بدلی ہے وردی 

شہہ اجمیر ہی جیلان میں ہے                                دلوں کی زندگی عرفان میں ہے 

ہمارے دور کی معراج دیکھو                              وہ آئے رکھ کے سر پر تاج دیکھو 

ظہور     اولیں     و    آخریں          ہے 

وہ  جس  کا  نام   بابا  تاج  دیں   ہے