فرامین سرکار تاج الاولیاءؒ

 فرامین سرکار تاج الاولیاءؒ 

 سرکار بابا تاج الدین اولیاءؒ کے ارشادات نہایت بلیغ  پر معنی ہوتے تھے - کلام الملک ملک الکلام   آپ کے کلام کی صفت ہے -

 یہاں سرکار تاج الاولیاء کے ارشادات عالیہ پیش کئے جارہے ہیں  - 

 ✦ بڑے صاحب  ( اللّٰه تعالیٰ  ) نے مجھے شہنشاہ ہفت اقلیم بنا کر بھیجا ہے - 

 ✦ ہمارے مرشد ہمارے نانا جان حضور صلی اللّٰه علیہ وآ له وسلّم ہیں - 

 ✦ حضرت علیؑ نے دو آلو کھلا دیئے جب سے ہم ایسے ہوگئے  -

 ✦ جناب  بی بی فاطمہ زہرہؑ  نے ہم کو   پیامبر  بنا کر بھیجا ہے  -

 ✦ میں زہرہؑ کا لال ہوں  - 

 ✦ ہم امام حسن عسکریؑ کے پوتے ہیں  -

 ✦ میں چراغ دین ہوں  - 

 ✦ تاج محی الدین  تاج معین الدین  شہنشاہ ہفت اقلیم ہوں  -

 ✦ ہم شہنشاہ ہفت اقلیم  تاج ملت و دین ہیں  -

 ✦ جتنے برے برے ہیں سب تاج الدین کے ہیں  ... اچھے اچھے سب بڑے صاحب  ( اللّٰه میاں  ) کے ہیں  -

 ✦ کل نفس ذائقة  الاسلام    ...  اسلام کا مزہ ہر بشر کو چکھاؤں گا  - 

 ✦ کسی ولی سے آج تک پانچ   پیسے نہیں بنے  ،  ہم  پانچ   پیسے بنا کر دکھائیں گے  -

 ✦چلتے پھر توں کو آج بھی ولی   بناتا ہوں  -

 ✦ جدھر دیکھتا ہوں لاکھوں کوس دیکھتا ہوں  -

 ✦ ہو جی ہم جدھر دیکھتے سب میٹھا ہوجاتا  -

 ✦ جس نے ہم کو جیسا سمجھا ہم اس کے لئے ویسے ہی ہیں  -

 ✦جس نے ہم کو دیکھا وہ ہمارا ہوگیا  -

 ✦ ہم نے تجھے پلٹن میں بھرتی کرلیا  ... تیرا نام ہمارے رجسٹر میں درج ہوگیا  -

 ✦ لال کتاب / بڑی کتاب  ( قرآن پاک ) پڑھتے  ، اللّٰہ اللّٰہ کرتے اچھے رہتے  - 

 ✦ دال کھانا کھاتے اللّٰہ اللّٰہ کرتے اچھے رہتے  -

 ✦ روکھی سوکھی کھاتے ساڑھے تین بانس کی جھونپڑی میں رہتے  اللّٰہ اللّٰہ کرتے  - 

 ✦ مٹی کھاتے  مٹی میں رہتے  مٹی میں سوتے   - 

 ✦ مٹی کھانا   مٹی میں رہنا   چپ گزران ہے  - 

 ✦ ہو جی حضرت  دال کھانا کھاتے اور اللّٰہ رے کہہ کر ماٹی میں  پڑے رہتے  - 

 ✦ خوب کماتے  خوب کھاتے  کھلاتے جی   -

 ✦ بڑے لوگاں بڑے کاماں کرتے بڑے مقام میں رہتے   -

 ✦ حضرت  یہاں دماغ  لے کر نہیں آتے   -

 ✦ ہمارے بچے نشہ نہیں کرتے   - 

 ✦ ہمارے بچوں کو اگر کسی نے ستایا تو تختہ زمین الٹ دوں گا   - 

 ✦ ہمارے بچے کو بری نظر سے دیکھنے والے کی ہم آگے بڑھ کر آنکھیں نکال دیتے ہیں   -

 ✦ میرے پاس جس کا جو کچھ ہے اگر وہ اپنی زندگی میں حاصل نہ کرسکا تو اس کی قبر میں ٹھونس ٹھونس کر بھردوں گا   - 

 ✦ میرا نام تاج الدین ہے  سوا لاکھ ولی بناؤں گا   - 

 ✦ تاج الدین کی توجہ سے تو پہاڑ بھی  پھٹ جاتے ہیں   -

 ✦ کالے تاج الدین کے پاس صابن بہت ہے   -

 ✦ تاج الدین اپنے نام کے ساتھ رہتا ہے   - 

 ✦ تاج الدین قیامت تک زندہ رہے گا   - 

 ✦ تاج الدین روزآنہ ایک ہزار مرتبہ مرتا ہے اور ایک ہزار مرتبہ زندہ ہوتا  ہے   - 

 ✦ تاج الدین کی دعا کا دفتر قیامت تک کھلا رہے گا   -  

 ✦ تاج الدین سمندر ہے    -